ILOILO CITY- Nagpalupad naman sang panibag-o nga ballistic missile subong nga Domingo ang North Korea, ang pinakaulihi nga launch samtang nagapatigayon sang major military drills ang South Korea kag Estados Unidos.
Nahibaluan nga naghiwat ang US kag South Korea sang pinakadaku nga military drills sa sulod sang lima ka tuig nga ginatawag Freedom shield matapos ang sunod-sunod nga weapons test kag nagadaku nga nuclear threats gikan sa Pyongyang.
Ginalantaw naman sang Nokor ang nasambit nga exercises bilang paghanas para sa pagpangsakop kag makapila ka beses nga nagpaandam nga magahimo man ini sang nagakaigo nga tikang.
Ang ini nga missile launch subong nga Domingo ginhiwat ila ka adlaw lamang matapos gin-test fire sang Pyongyang ang ila pinakadaku kag pinakamabaskog nga missile, ang Hwasong-17.
