Monday, August 15, 2022

Pagtiro-patay kay former Prime Minister Shinzo Abe, makabig nga “culturally unfathomable” sa ila pungsod

- Advertisement -

Nahibaluan nga ang pungsod Japan ang ginakabig bilang “world’s lowest rates of gun crime” bangud sa istrikto nila nga layi sa gun ownership.

Ginpahayag naman sang kapulisan nga ang gun violence ang tumalagsahon lang nga nagakatabo sa ila pungsod.

Base sa pagtuon sang Sydney School of Public Health sang University of Sydney, siyam lang ka persona ang napatay sa Japan bangud sa armas sadtong tuig 2018 kumparar sa 39,740 sa Estados Unidos sa kapareho man nga tuig.

- Advertisement -

Apang sadtong Hulyo 8, ginkakibot sang bug-os nga kalibutan ang makaduha ka beses nga pagtiro kay former Japanese Prime Minister Shinzo Abe samtang naga-patigayon sang iya campaign speech sa Nara region apang ginbawian sang kabuhi matapos nakaangkon sang patal nga pilas sa iya dughan.

Suno kay Nancy Snow, director sang Japanese International Security Industrial Council, ang natabo nga shooting incident ukon ang pagpatay kay Abe gamit ang armas-luthang ang makapanibag-o sa pungsod Japan sa diin indi na ini makabig nga tumalagsahon nga hitabo kundi isa na ka “culturally unfathomable”.

Samtang, kun madumduman nga tuig 2007 pa sang pinaka-ulihi nga may gintiro-patay nga politiko sa Japan nga amo si Nagasaki Mayor Iccho Ito matapos gin-cardiac arrest kasunod sa pagtiro sa iya sang makaduha ka beses sang isa ka gangster.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles