Thursday, December 8, 2022

Panawagan sang Russia nga imbestigahan ang alegasyon sang biological weapons sang US kag Ukraine, ginbasura sang UN

- Advertisement -

ILOILO CITY- Ginbasura sang UN Security Council ang resolusyon nga gindihon sang Russia nga nagapanawagan nga imbestigahan ang ila akusasyon nga nagapakigbahin ang Amerika sa ginapahayag pagdevelop sang biological weapons sa Ukraine.

Opisyal nga naghingyo ang Russia sang UN investigation sang nakaligad nga semana natuhoy sa ila akusasyon nga madugay na nila ginahimo antis pa man nag-umpisa ang ila opensiba sa Ukraine.

Ginbotohan ang nasambit nga resolusyon kon sa diin duha diri ang nagpabor, Russia kag China; tatlo ang nagpamatuk, France, United States kag Britain; kag ang 10 non-permanent members ang lunsay nag-abstain.

- Advertisement -

 Dismayado naman si Deputy Russian Ambassador Dmitry Polyanskiy sa resulta sang binotohay sa pagsiling nga ginapakita sang Western Countries nga indi applicable sa ila ang kasuguan.

Una na nga ginpanginwala sang US kag Ukraine ang akusasyon sang Russia kag gintawag ini sang Amerika nga lunsay patu-pato lamang.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles