Pinakadako nga Norwegian oil and gas company, paga-untaton ang investment sa Russia

Ginkumpirmar sang CEO/President sang pinakadako nga oil and gas company sa Norway nga si Anders Opedal nga paga-untaton nila ang investment kag ila partnership sa Russia.

Ang Norwegian oil and gas company nga Equinor ang maga-untat na sang ila joint ventures sa Russia bangud sa invasion sang nasambit nga pungsod sa Ukraine.

Mahibaluan nga ang Equinor ang may $1.2 billion nga long-term investments sa Russia as of December 2021.

Masobra 30 ka tuig nga naga-operate ang kompanya sa Russia kag may yara sang cooperation agreement sa Rosneft, ang oil company nga ginapanag-iyahan sang Russia.