ILOILO CITY- Ginpasakaan sang kaso sang isa sang mga kliyente sini ang pinakauna nga robot nga abogado sa kalibutan bangud sa pag-practice sang abogasiya nga wala sang law degree kag wala sang lisensya.
Ginpahayag nga ang kliyente nga si Jonathan Faridian ang nagkuha sang serbisyo sang robot lawyer agud mag-draft sang demand letters kag small claims court filing, kag LLC operating agreement sa pagpati nga nagatrabaho ini kasubong sang lagting nga abogado, apang ginhatagan lamang siya sang substandard kag pigaw nga paper works.
Bangud sini gilayon siya nga nagpasaka sang kaso pinaagi sa Chicago-based law firm nga Edelson PC sa pagsiling nga ang chatbot ang nagatanyag sang serbisyo nga illegal bangud indi man ini matuod nga robot, abogado ukon law firm.
Nagsabat naman pinaagi sa Twitter ang founder sang San Francisco-base Intelligence company nga DoNotPay Inc. nga si Joshua Browder nga gin-atake sila sang Edelson law firm bangud sa indi otorisado nga pag-practice sang law kag ginahingyo sa korte nga untatan ang ila A.I. product.
