ILOILO CITY- Kapin sa lima ka mga suspected criminals kag duha ka suldado ang napatay sa shootout matapos gin-ambush sang mga armado nga kalalakihan ang military unit sa Southwest Mexico suno sa mga otoridad.
Nagluntad ang komprontasyon sang Biyernes sang hapon sa El Pescado sa nabukid nga bahin sang estado sang Guerrero nga tuman ka budlay lab-uton kag masami nagaluntad ang konflicto sa tunga sang mga criminal groups.
Isa ka military unit ang gintarget sang pag-atake sang ginabanta 18 ka armado nga tawo nga sakay sa duha ka mga salakyan nga gintunaan sang shootout.
Lima ka mga armado nga suspek kag duha ka suldado ang napatay samtang duha ka iban pa ang napilasan.
Suno sa mga otoridad nga ang mga nag-atake ang posible miyembro sang La Familia Michoacana, nga isa anay ka pinaka-maimpluwensya nga drug cartels sa Mexico apang naghuyang ini matapos madakpan ang ila mga lider.
