Thursday, December 8, 2022

Pope Francis, ginkakas si Cardinal Tagle kag iban nga opisyal sa Caritas Internationalis

- Advertisement -

Ginkakas ni Pope Francis ang bug-os nga leadership sang Caritas Internationalis, lakip na si president Cardinal Luis Antonio Tagle.

Gin-isyu sang pontiff ang decree nga naga-appoint kay Peir Francesco Pinelli, ang Italian management consultant, bilang temporary administrator sang Caritas Internationalis.

Gin-appoint man sang pope si Maria Amparo Alonso Escobar kag Rev. Fr. Manuel Marujao nga mangin aide sang temporary consultant.

- Advertisement -

Nahibaluan nga ang Caritas Internationalis ang confederation sang 162 Catholic charities sa masobra 200 ka pungsod kag teritoryo. Nahamtang naman in isa Rome kag gina-supervise sang Dicastery for Promoting Integral Human Development.

Magluwas sa pwesto ni Tagle, ang iban nga posisyon sa gropo ang gilayon man nga ginkakas kasunod sa kasuguan sang popo lakip na diri ang secretary general Aloysius John, subongman ang member of the representative council kag executive council, vice presidents, secretary general, treasurer, kag ecclesiastical assistant.

Gin-athag man sang Dicastery for Promoting Integral Human Development nga wala sang kaso sa “financial mismanagement or sexual impropriety.”

- Advertisement -

“This measure has no impact on the functioning of member organizations and the services of charity and solidarity they provide around the world; on the contrary, it will serve to strengthen such service,” base sa paathag sang dicastery.

Samtang, ginpahayag man ni Tagle nga wala sang kaangtanan sa ano man nga kaso sang pag-pangabuso ukon financial mismanagement ang desisyon, matapos sini nabasa ang decree ni Pope Francis sa plenary meeting.

“I would like to assure you that this is not, this is not, this is not about sexual harassment or sexual abuse. This is not about, again, mismanagement of money… The decree clearly stated the intention,” suno kay Tagle.

- Advertisement -

Nahibaluan nga si Tagle ang gina-konsiderar sang media kag Vatican observers bilang papabile ukon potential pope.

Sya man ang pinaka-una nga Asian president sang Caritas Internationalis matapos gin-eleher sang masobra 300 ka Caritas delegates sa kalibutan sa ginhiwat nga assembly sa Rome sadtong tuig 2015.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles


Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected


Latest Articles