Princess Leonor sang Spain, maga-paidalum sa 3-years military training

Maga-paidalum sa tatlo ka tuig nga military training si Princess Leonor sang Spain.

Suno kay Spanish Defense Minister Margarita Robles, si Leonor ang palaabuton nga Reyna sang España kag ang military training ang tikang bilang pagpanghanda sini sa pagdumala sang ila pungsod.

Sa tatlo ka tuig, magasulod si Princess Leonor sa navy, air force, kag army.

Ginpahayag man ni Robles nga ang amay sang prinsesa nga si King Felipe ang nag-paidalum man sadto sa training antes nangin hari.

Ginabanta nga maga-umpisa ang training ni Princess Leonor sa bulan sang Agosto ukon Setyembre kun tapos na ang iya pagtuon sa UWC Atlantic College sa Wales.