St. Edward’s Crown, i-modify sa koronasyon ni King Charles III sa bulan sang Mayo sa tuig 2023

Ginkakas sa Tower of London ang maragtason nga St. Edward’s Crown nga amo ang centerpiece sa koronasyon sang monarkiya sa England sa masobra 350 years na, para i-modify sa koronasyon ni King Charles III sa bulan sang Mayo sa tuig 2023.

Nahibaluan nga ang korona ang gin-usar pa sa koronasyon ni King Charles II sadtong tuig 1661 matapos gin-restore ang monarkiya kasunod sang 10-year republic of Oliver Cromwell.

Samtang, si King Charles III ang pagakoronahan sang St Edward’s Crown sa Westminster Abbey sa Mayo 6, 2023. Kag iya man pagasoksokon ang Imperial State Crown.

Ang St. Edward’s Crown ang himo sa solid gold frames nga may rubies, amethysts, sapphires, garnet, topazes and tourmalines, kag may original medieval forebear nga may four crosses-pattée kag four fleurs-de-lis. Samtang may yara man ini sang velvet cap nga may ermine band.