ILOILO CITY — Nakabaton ang Thailand sang 11.15 million ka mga foreign visitors sang 2022, tuman nga mas mataas sa kapin 428,000 ka mga turista sang 2021 kasunod sang paghalog nila sang travel restrictions.
Sandig sa tourism ministry data, nalapawan sang amu nga numero ang target sang gobyerno para sa nakaligad nga tuig.
Sang Disyembre, may yara sang 2.24 million ka mga foreign tourist, mas mataas sa 230,497 sa amu nga period sang 2021.
Nahibaluan nga antes nagpandemya, nagadangat sa kapin 40 million foreign tourist ang ila marekord sa bilog nga tuig.
Ang Malaysia, India, kag Singapore ang top 3 nga mga pungsod nga nagpadulong sa Thailand sang nagligad nga tuig.
Subong nga 2023, nagalaum ang gobyerno sang 25 million international visitors, lakip na ang kapin lima ka milyon halin sa China, nga pinakadako nga source market antes ang pandemya.
