US, Japan kag South Korea, ginakondenar ang sunod-sunod nga paglunsyar sang ballistic missile sang North Korea

Gin-anunsyo sang top diplomats sa Japan, South Korea, kag United States ang ila unity batok sa North Korea bangud sa sunod-sunod nga ballistic missile nga ginlunsyar sang Pyongyang.

Matapos ang pagsinapol sa Honolulu, ginkondenar nanday US Secretary of State Antony Blinken, South Korean Foreign Minister Chung Eui-yong, kag Japanese Foreign Minister Hayashi Yoshimasa ang serye sang “seven launches” bilang “destabilizing” sa joint statement.

Gin-reiterate naman sang tatlo ka diplomats ang ila commitment sa denuclearization sa bug-os nga Korean Peninsula, kag ang preparasyon sa pag-padayon nga paghinun-anon sa Pyongyang.