ILOILO CITY- Naghisugot ang US kag Russia nga maghiwat sang pagsugilanon sa palaabuton angut sa isahanon nga nuclear treaty sa tunga sang duha ka pungsod.
Ini ang pahayag ni US State Department Spokesperson Ned Price.
Ang New START Treaty ang nagahatag limitasyon sa tanan nga ginadeploy nga intercontinental-range nuclear weapons sang Russia kag US.
Nagarequire ini sa duha ka pungsod nga pasugtan ang paghiwat sang isa kag isa sang on-site inspections sang ila nuclear weapons-related facilities.
Nauntat ang nasambit nga inspection sang Marso 2020 bangud sa COVID-19 pandemic.
Ginalauman nga mangin topiko sag diskusyon sa palaabuton nga sinapol ang pagbalik sang inspection sa ila tagsa ka pasilidad.
Naglabnaw ang Diplomatic relations sa tunga sang Russia kag US kasunod sang pag-atake sang Russia sa Ukraine apang Nakita sang US officials bilang positive development ang padayon nga pagpakita sang Russia sang interest sa kasugtanan sa pihak sang maka-alarma nga pamahog ni Putin nga magagamit ini sang nuclear weapons sa nagainit nga away sa Ukraine.
