Wala ginakilala sang Moscow, Russia ang jurisdiction sang International Criminal Court, suno sa Kremlin.
Ini matapos nga nagguwa ang reports nga ginasuhestiyon sang korte nga arestuhon ang mga Russian nga may koneksyon sa gyera.
Ginpahayag sang opisyal sang Ukraine nga magapabilin ini sa pagsunod sa 120-day extension sang Black Sea grain deal matapos nga naghisugot lang ang Russia sang 60-day extension.
Sa pihak nga bahin, patay naman ang isa ka persona samtang tatlo ang pilason matapos nga mag-atake ang Russia sa residential buildings sa syudad sang Kramatorsk, Eastern Ukraine.
Ginpaathag man sang Russia’s deputy UN ambassador nga wala sang ihibalo ang Moscow sa progreso sang imbestigasyon natuhoy sa paglupok sang pipeline sa Nord Stream sang tinalikdan nga tuig kag kinahanglan man nga maghatag sang report agud nga pamatud-an sa United Nations.
