ILOILO CITY-Ginpanindugan sang World Health Organization ukon WHO nga wala pa ang husto nga tion agud bawion ukon i-lift ag deklarasyon sang public health emergency bangud sa COVID-19 sa pihak nga nagabangon na ang bilog nga kalibutan.
Ginpahayag ni WHO Chief Tedros Adhanom Ghebreyesus nga apesar nag-ayo na ang sitwasyon sang kalibutan humalin sang magsugod ang pandemic, apang madamo nga risgo ang nagapabilin bangud padayon nga naga-mutate ang virus.
Ginhatagan pagtamod sang WHO official nga pabor siya sa panan-awan sang WHO emergency committee nga nagapabilin ang COVID-19 nga public health emergency of international concern.
Suno sa iya nga kinahanglan i-update sang mga pungsod ang ila kahandaan kag plano sa pagresponder sa panibag-o nga mga kaso sang COVID-19 subvariants.
Nahibaluan nga ang COVID-19 XBB subvariant ang nagapanguna nga kabangdanan sang pagtaas sang kaso sa Singapore.
