Magabisita si Chinese President Xi Jinping sa Russia sa masunod nga semana kag ini ang iya pinakauna nga trip matapos ang apat ka tuig.
Suno sa Beijing’s foreign ministry, magabisita si Xi sa Russia humalin Marso 20 tubtob 22, pinaagi man sa imbitasyon ni President Vladimir Putin sang Russian Federation.
Nahibaluan nga nagbista sadto si Xi sa Russia sang tuig 2019, nagpadulong man si Putin sa opening ceremony sang Winter Olympics sa Beijing sang tinalikdan nga tuig kag nakigsapol man ang duha ka lider sa regional security gathering sa Uzbekistan sang nagligad nga Setyembre.
Pagadiskusyunan sang duha ka matag-as nga opisyak ang “strategic cooperation”, ‘exhaustive partnership and strategic cooperation’ sa tunga sang Russia kag China lakip man sa international stage kag pagpirma sang bilateral documents.
