Sunday, August 7, 2022

₱155 million sa ₱1.7 billion nga SAP fund sang DSWD 6, ginbalik sa National Bureau of Treasury

- Advertisement -

ILOILO CITY — Nabalik na sang Department of Social Welfare and Development (DSWD) VI ang wala madistribute nga pondo sang Social Amelioration Program (SAP) sa National Bureau of Treasury bangud nahatagan na ang tanan nga eligible beneficiaries.

Sa interview sang Radyo Bandera Iloilo kay Atty. May Rago Castillo, Regional Information Officer sang Department of Social Welfare and Development Office 6, ginpahayag sini nga sa ₱1.7 billion nga pondo sang SAP nga natalana para sa Western Visayas, may nabilin pa nga ₱155 million pesos ukon 9% sang kabug-usan nga pondo.

Nagpasalig man ang talatapan nga ginapasiguro sang DSWD VI nga gin-usar sang husto ang ayuda sang mga SAP beneficiaries, bangud kalabanan sa mga ini ang ginpangkakas sa trabaho, na-displaced kag lubos nga naapektuhan sang COVID-19 pandemic.

- Advertisement -

Madumduman nga nagpagwa sang pahayag si Social Welfare Secretary Erwin Tulfo, natuhoy sa kapaltahan nga gin-obra sang ahensya sang tinalikdan nga administrasyon, bangud sa naglapaw na ini sa nagakadapat nga distribution period.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles