₱95.5 million nga balor sang iligal nga droga, ginsunog sang PDEA Western Visayas

ILOILO CITY – Nagdangat sa ₱95.5 million nga balor sang iligal nga droga ang ginsunog sang Philippine Drug Enforcement Agency Region 6.

Nahibaluan nga ang mga droga nga ginsunog ang nakumpiskar sa nagkalain-lain nga operasyon sang kapulisan sa bug-os nga Western Visayas.

11.7 kilos sang shabu nga may balor nga ₱93.8 million kag 12.4 kilos sang marijuana nga may balor nga ₱1.8 million ang ginsunog.

Gin-patigayon naman ang seremonya sang Destruction of Dangerous sa Acropolis Gardens, Barangay Bata, Bacolod City.