Monday, August 8, 2022

13-anyos nga lalaki patay sang ginlampusan sang martilyo sang ginaalegar kawatan sa Pototan, Iloilo

- Advertisement -

ILOILO CITY— Nasapwan patay ang 13-anyos nga lalaki sa kusina sang ila nga balay sa Sitio Sinikway, Brgy. Casalsagan, Pototan,Iloilo alas 6:00 kagab-i, Marso 29.

Ang biktima ang ginkilala kay Raul “Nonoy” Pachejo Jr. kag tumandok sang amo nga lugar.

Sa interview sang Radyo Bandera Iloilo kay Raul Pacheco Sr. amay sang bata, ginpahayag sini nga pag-abot niya sa ila nga balay madamo na ang nagapangita sang sinsilyo nga mag-pakambyo agud ihulog sa ila nga computeran.

- Advertisement -

Pagkatapos sini ginpangita niya si Nonoy kag iya na lang nasapwan nga nagapaligo na ini sang dugo kag wala na sang kabuhi.

Gilayon niya nga ginhakwat ang iya nga bata kag gindala sa pinakamalapit nga ospital apang gindeklarar ini nga dead on arrival.

Suno pa kay Pacheco, naglusot ang suspek sa likod nga porsyon sang ila nga balay kag nagdiretso sa kusina sa diin nagluntad ang krimen.

- Advertisement -

Antes pa man natabo ang insidente, nakapabaylo pa sang coins ang mga nagahampang apang tubtob naka-abot ang ila nga amay wala na nakapakita ang menor de edad kag nasapwan na lang ini nga wala na sang kabuhi.

Ginapatihan ginlampusan sang martilyo ang biktima.

Gina-suspetsahan naman sang amay sini nga ang mga kawatan ang likod sa pagpatay sa iya nga bata.

- Advertisement -

Sa karun, padayon pa ang imbestigasyon sang Pototan Municipal Police Station angut sa insidente kag pursigido ang pamilya nga magpasaka sang kaso batok sa mga suspek.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles