ILOILO – Gin-abi abi sang 3rd Infantry Division ang 181 ka neophyte soldiers sa ila graduation ceremony sa Camp General Macario B. Peralta Jr., sa Jaminda, Capiz subong nga adlaw.
Nakabaton ang mga ini sang R4 Carbine-issued rifles sa gin-patigayon nga entrustment rites.
Nahibaluan nga ang mga panibag-o nga suldado ang madinalag-on nga nakatapos sang ila pito ka bulan nga Basic Military Training sa 3rd Division Training School.
Nakuha naman ni Private Maxim Leo F. Cabigunda, Bachelor of Science in Elementary Education graduate gikan sa Barangay Cabladan, Sibalom, Antique ang Commander, 3ID award matapos nag-panguna sa 181 ka CS Class 689-2021 nga may General Point Average nga 98.68% sa tanan nga evaluated subjects.
Nakuha man sang iya utod nga si Private Dennis F Cabigunda, Bachelor of Science in Criminology graduate ang Chief of Staff, 3ID award matapos nag-top 2 nga may General Point Average nga 87.40% sa tanan man nga evaluated subjects.
Samtang, si Private Jecson C. Moreno, Bachelor of Science in Criminology graduate gikan sa Barangay Camangcamang, Isabela, Negros, Occidental ang nakabaton man sang Commandant, 3ID award matapos nag-top 3 nga may General Point Average nga 87.24%.
Commander’s Physical Proficiency Award naman ang nabaton ni Private Heart Laurente gikan sa Barangay Tugas, Mambusao, Capiz nga may a General Point Average naman nga 96.33%.
“The new graduates have undergone tough physical conditioning, psychological and emotional pressure, and trial of camaraderie that prepared them for their future endeavors as members of the Philippine Army,” suno sa mensahe ni Army Major General Benedict Arevalo, Commander sang 3rd ID.
