ILOILO CITY— Ginahitso na ni Senator Franklin Drilon ang 32 kilometro nga proposed Iloilo-Panay Guimaras bridge antes matapos ang iya termino sa senado sa Hunyo 30.
Sa interview sang Radyo Bandera Iloilo kay Senator Drilon, ginpahayag sini nga nag-alokar sang 186 billion pesos nga pondo ang Department of Public Works and Highways (DPWH)-VI pinaagi sa House of the Senate.
Gintunguhaan gid sang senador nga madayon ang pagpatindog sang Ungka II-Flyover nga nagakonekta sa Pavia, Iloilo, Iloilo North bank Road ukon Iloilo Sunset Boulevard kag pag kaayo sang irigasyon sa Jalaur Multi-purpose high dam.
Sa tion nga mahuman ang pinakalaba nga taytay sa Rehiyon VI, madasig ang pagsulod sang investors kag negosyante nga magapadulong sa Iloilo, Guimaras kag Bacolod vice-versa para sa pagtib-ong sang komersyo sa turismo.
