Wednesday, August 17, 2022

19-anyos nga nursing student nga nakasalakay patay sa magkahagugma sa Pavia, pagasakaan sang kaso subong nga adlaw

- Advertisement -

Pagasakaan sang kaso subong nga adlaw ang 19-anyos nga nursing student nga nakasalakay patay sa magkahagugma sa boundary sang Pandac kag Jibao-an, Pavia sa atubang sang Centro Verde Residencias de Iloilo sang Dominggo nga adlaw, alas 6 sang gab-i, Mayo 29.

Ginkilala ang driver sang SUV nga si Marffy Raine Lagamo sang Pandac, Pavia, Iloilo.

Samtang ang napatay naman nga magkahagugma nga sakay sang Yamaha Mio motorcycle ang ginkilala nga sanday Ma. Leslir Grace Navarra (back rider) 32 anyos, residente sang Brgy. Cagbang, Oton kag Gerald Jade Fuentebella (driver) 29 anyos, pumuluyo sang Brgy. Tacas Jaro, Iloilo City.

- Advertisement -

Sa interview sang Radyo Bandera Iloilo sa kay Police Major Rolando Araño, hepe sang Pavia Municipal Police Station, iya ginpahayag nga ang SUV ang halin sa bahin sang Ungka ll kag padulong kuntani sa Pavia sang disgrasya ini nga naka bungo sa sugata nga motorsiklo nga halin sa bahin sang Oton.

Dugang pa diri nag overtake ang SUV, kag nag-agaw sang lane rason sang aksidente.

Suno kay Araño nga nagaselebrar pa sang iya nga kaadlawan ang driver sang SUV kahapon nga adlaw sang natabo ang aksidente.

- Advertisement -

Gindala sa pinakamalapit nga ospital ang mga biktima apang gindeklarar sang doctor nga dead on arrival.

Pagasakaan sang kaso subong nga adlaw ang driver sang SUV sang 2 counts of reckless imprudence resulting to homicide.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles