1st Lechon Festival sa banwa sang Sta. Barbara, nangin madinalag-on

Nangin madinalag-on ang ginhiwat nga 1st Lechon Festival sa banwa sang Sta. Barbara subong nga adlaw, Nobyembre 27.

Sa interview sang Radyo Bandera kay Sta Barbara Municipal Mayor Doc Dennis Superficial, tuman ang kalipay sini nga naubos gid ang ginbaligya nga mga lechon kag nangin maayo ang resulta sang kahiwatan.

Suno kay Superficial, mangin maayo ini nga tikang agud mahaylo ang mga hog raisers ilabi na sa mga backyard raisers nga indi sila magkahadlok sa ASF ukon African Swine Fever.

Nagpasalamat man ang mayor sa tanan nga mga nagsuporta, nagpasakop kag nagtambong sa nasambit nga kahiwatan.