ILOILO CITY— Balik byahe ang mga 1st town jeepneys kaangay na lang sa banwa sang Oton, Pavia, Leganes, San Miguel, Cabatuan, Maasin nga nalakip sa bag-o nga ruta sang Local Public Transport Route Plan, samtang ginadumilian naman ang mga tricycle sa pagbyahe sa syudad.
Ini ang ginkumpirmar ni Mario Nillos, head sang Provincial Planning and Development Office sa interview sang Radyo Bandera Iloilo.
Suno kay Nillos, pagalimitahan ang pagpasulod sang pila ka mga public utility jeepneys kag i-adjust ang ila mga ruta agud indi maka-apekto sa mga City Loop jeepneys.
May kaangtanan diri, magapatigayon sang konsultasyon ang mga katapo sang IPPDO, LTFRB kag DILG angut sa siyam ka mga developmental routes kag apektado ang mga 1st towns municipalities.
Nagkonsulta man ang katapo sang IPPDO, sa transport groups sang Lemery, San Rafael kag Calinog, nga sa karon ginahatagan na sang prayoridad.
