Pilason ang duha ka persona sang nagluntad ang sunog sa isa ka puluy-an nga human sa mixed materials sa Brgy. Zone 5, Sto. Niño Norte, Arevalo takna las 7:00 sini nga gab-e, Oktubre 11.
Sa impormasyon nga nakuha sang Radyo Bandera Iloilo, posible nga nagsugod ang sunog takna las 7 sang gab-e kag ginpanag-iyahan ini ni Ariel Villegas, residente sang banwa sang Banate kag isa ka katapo sang Philippine Coast Guard.
Nagresponde naman ang mga katapo sang Bureau of Fire Protection agud nga ipalong ang kalayo kag subongman ang mga responders’ para sa mga napilasan nga persona.
Ginkilala ang mga napilasan nga sanday Moko Costa, 21-anyos bangud nakabulasot ini sa drainage kag Francis Galvan, 22-anyos bangud nadagdag ini sa atop.
Nahibaluan nga halos 75 porsiyento sang balay ang na damage kag wala pa mahibaluan kun pila ang balor sang nahalitan.
Sa karon, padayon pa ang imbestigasyon bangud wala pa makaabot ang tag-iya sang balay.
