Dead on arrival ang isa ka lalaki kag pilason naman ang walo ka tuig nga bata matapos nga ginbungu-an sang salakyan sa Sitio Baclayan, Barangay Santiago Barotac Viejo, Iloilo las 11:47 sang aga, Agosto 5.
Sa interview sang Radyo Bandera Iloilo kay Police Executive Master Sergeant Dionisio Fernandez, Deputy Chief of Police sang Barotac Viejo Municipal Police Station, nagamotorsiklo ang duha ka biktima kag ginbunguan sila sang salakyan nga nag-agaw sang linya
Ginkilala ang biktima nga si Rofred Aclaracion, 20- anyos kag menor de edad nga bata.
Ang driver sang salakyan naman amo si Rodolfo Dumayas , 64-anyos kag residente sang Poblacion, Carles, Iloilo.
Gilayon nga gindala sa pinakamalapit na hospital ang ang mga biktima apang gindeklara ang driver sang motorsiklo nga dead on arrival sang attending physician.
Samtang nagsungka naman ang driver sang kotse sa mga katapo sang kapulisan kag magapangatubang sang kaso nga Reckless Imprudence Resulting to Homicide and Serious Physical Injuries.
