Thursday, December 8, 2022

20 patay, masobra 200,000 ka pamilya ang nahalitan sa Western Visayas bangud sa Bagyo Paeng

- Advertisement -

Nagdangat na sa 20 ka persona ang napatay sa paglaslas sang Bagyo Paeng sa Western Visayas sa diin siyam diri ang gikan sa probinsya sang Antique, anom sa Aklan, duha sa Capiz kag tatlo naman sa probinsya sang Iloilo.

Sa interview sang Radyo Bandera Iloilo kay Cindy Ferrer, Spokesperson sang Office of Civil Defense Region 6, padayon ang pagmonitor sang emergency operations center sa idalum sa OCD 6 sa diin nahalitan ang 217,300 ka pamilya ukon 821, 497 ka persona sa rehiyon.

Dugang pa niya, sa ginpatigayon nila nga cluster meeting kaupod ang PAG-ASA, ginpatpat nga padayon nila nga ginamonitor ang duha ka bagyo sa sulod sang Philippine Area of Responsibility nga padayon nga naga-apekto sa pungsod.

- Advertisement -

Suno kay Ferrer, dako ang halit sang nasambit nga bagyo sa isla sang panay base sa ila aerial assessment.

Panugyan ni Ferrer nga sa tion sang tigkalalag nga kun mahimo magpabilin na lang sa ila panimalay ukon likawan anay nga magpadulong sa mga sementeryo agud nga magbisita sa ila mga himata bangud posible nga ma-stranded sila sa dalanon.

Ginpahanumdom man sang ahensya nga padayon nga magmonitor sa balita kag advisory gikan sa OCD 6 para man sa ila ihibalo.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles