21 ka mga baboy, ginpang-depopulate sa Barangay Badiang, New Lucena bangud sa ASF

ILOILO CITY — Napang-depopulate na ang 21 ka mga baboy kag may yara pa gid sang natalana nga pamatyon matapos makumpirmar nga infected sa African Swine Fever ang pila ka mga baboy sa Barangay Badiang, New Lucena.

Sa datus sang Iloilo Provincial Veterinary Office, nagmasakit ang pila ka mga baboy sa ila nga barangay kag sang nagligad nga semana ginkuhaan ini sang blood samples sa diin ang resulta nagpositibo sa ASF.

Ongoing ang pagpatigayon sang border control checkpoints sa mga barangay nga nasakop sa 500-meter radius halin sa ground zero.

Nahibaluan nga kapin 80% ka pumuluyo sang Brgy. Badiang ang nagasagod sang baboy.