Dakop ang 26-anyos nga lalaki sa ginpatigayon nga drug buy-bust operation sang Station Drug Enforcement team sang Alimodian Municipal Police Station, Iloilo Police Mobile Force Company, Provincial Drug Enforcement Unit, Leon Municipal Police Station kag San Miguel Municipal Police Station sa Barangay Bagumbayan Ilajas, Alimodian las-3:30 sang hapon Nobyembre 9, 2022.
Ginkilala ang subject kay Melvin Amorio kag residente sang Barangay Pajo, Alimodian
Sa impormasyon nga nakuha sang Radyo Bandera Iloilo, natigayon nga mabaklan ang subject paagi sang police poseur buyer sang isa ka sachet sang suspected shabu gamit ang ₱2,500.00 bilang buy-bust money
Narecober ang lima tanan ka plastic sachet sang suspected shabu lakip na ang buy-bust item nga may kabug atun nga 0.5 grams kag may standard drug price nga ₱15,000.00 Yara na ang subject sa kustodiya sang Alimodian Municipal Police Station kag magapangatubang sa kaso sa paglapas sa RA 9165 Comprehensive Dangerous Drugs Act of 2002.
