ILOILO CITY — Nagdangat sa 2,900 kilo kag 28 ka mga sako sang political campaign wastes ang nakolekta sa bug-os nga probinsya sang Iloilo sa ginpatigayon nga Limpyo Eleksyon.
Ini matapos sang May 9 national kag local elections kun sa diin ginpangbaklas ang mga campaign materials kaangay na lang sang posters, tarpaulins kag mga flyers.
Sa interview sang Radyo Bandera Iloilo kay Governor Arthur Defensor Jr., ginpahayag sini nga hugot sini nga ginpatuman kag ginahingyo ang mga pulitiko nga boluntaryo nga magpaninlokag magpanghimus sang ila campaign materials.
Sa pinaka-ulihi nga datus sang Iloilo Provincial Government Environment and Natural Resources Office humalin Mayo 10 tubtob 13 nakarekord sang 2,900 kilos kag 28 ka mga sako sang campaign materials.
Nahibaluan nga ang Limpyo Eleksyon ang isa ka post-election clean-up drive kag ginpatuman sandig sa Executive Order No. 265 sang probinsya.
