Sunday, August 7, 2022

35-anyos nga lalaki nga nakuryente sa banwa sang Guimbal kag duha ka bulan na nga nagatinir sa ospital, nagapangayo sang bulig pinansyal para sa iya operasyon

- Advertisement -

ILOILO CITY — Nagapangayo sang hamili nga bulig ang asawa sang 35-anyos nga lalaki nga masobra duha ka bulan na nga nagatinir sa Western Visayas Medical Center agud nga maaoperahan ini matapos nakaangkon sang 2nd degree burn sa ulo.

Sa interview sang Radyo Bandera Iloilo sa asawa nga si Marivic Sarad Sermite, 35-anyos kag tumandok sang Barangay Particion, Guimbal, Iloilo, ginpahayag sini nga bulan sang Marso sang natabo ang insidente kun sa diin nakuryente ang iya bana nga si Jayson Gella Sermite, 35-anyos samtang nagakaayo sang atop sang ila tupad-balay.

Nagpanawagan ini sa mga indibidwal nga may bulawanon nga tagipusu-on nga handa maghatag sang bulig para sa iya bana.

- Advertisement -

Suno kay Marivic, nagakinahanglan sila sang balor P100,000 agud matigayon nga maoperahan ang iya bana, luwas pa diri ang iban pa nga kinahanglanon kag balaydan sa ospital.

Nahibaluan nga may yara pa ini sang tatlo ka mga bata nga ginapa-eskwela.

Sa mga indibidwal nga luyag maghatag sang kantidad kag iban pa nga sahi sang bulig sarang makig-angot sa sini nga mga numero: 09978243630 kag 09462130782 ukon mag-message sa Facebook page sang Radyo Bandera Iloilo.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles