ILOILO CITY — Ipatuman ang 4-day work week sa Iloilo City Hall kasunod sang padayon nga nagataas nga presyo sang produktong petrolyo.
Ini ang pahayag ni Iloilo City Mayor Jerry Treñas sa ginpaguwa sini nga official statement.
Sunu sa alkalde agud nga mabuligan ang mga empleyado nga maka-cope up sa present increase sang gatong, umpisa sa sunod nga semana i-adapt ang 4-day work week base sa suggestion ni National Economic and Development Authority (NEDA) chief Karl Lapascua.
Ang nasambit nga work scheme sunu sa alkalde ang may katuyuan nga ma-adjust sang mga empleyado ang ila tagsa ka mga schedules sa balay kag trabaho.
Pagagamiton man sunu sa iya ang mga modern jeepneys agud nga ma-transport ang mga empleyado halin sa mga district plazas pakadto sa City Hall adlaw-adlaw.
Dugang pa niya tun-an man ang pila ka mga recommended measures para sa energy conservation.
