Monday, August 15, 2022

40 anyos nga babaye, natuhog sang kawayan sa banwa sang Dumangas

- Advertisement -

ILOILO – Pilason ang isa ka 40 anyos nga babaye matapos natuhog sang kawayan sa Barangay Patlad sa banwa sang Dumangas, las-12:00 kaina sang utdo.

Sa interview sang Radyo Bandera Iloilo kay Police Senior Master Sergeant Ronald Dominoes, imbestigador sang Dumangas Municipal Police Station, ginkilala ang biktima nga si Jenelyn Bustamante, residente sang Barangay Cayos sa nasambit nga banwa.

Base sa inisyal nga imbestigasyon sang Dumangas MPS, nagasundanay ang truck nga may karga sang mga kawayan kag ang biktima nga nagamaneho sang motorsiklo.

- Advertisement -

Apang bangud nga may linya sang kuryente sa dalan nga nakasab-it sa improvised nga poste, nalab-ot ini sang truck kag bangud nga wala man nakapangaman si Bustamante, nagdasok ini sa likod sang truck kag natuhog sang kawayan sa iya nga paa.

Gindala naman sa Ramon Duremdes District Hospital si Bustamante kag gindapatan sang nagakaigo nga pagbulog.

May yara naman sang internal arrangement ang magtimbang nga kampo rason nga wala na ginhold sang kapulisan ang driver.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles