40-anyos nga lalaki nawawa ang ulo kag natunga ang talinga matapos na-igo sang sin sa Alegre, Oton sang naglabay ang buhawi

ILOILO CITY — Wawa ang ulo kag napihak ang talinga sang 40-anyos nga lalaki matapos naigo sang naglupad nga sin sang nag-agi ang buhawi sa Alegre, Oton.

Ini ang ginpahayag ni Leo Tumot, Osart Responder sang Oton LGU.

Suno kay Tumot, halin sa babaw sang tu-o nga kilay ang igo sang biktima kag naglapos sa iya likod nga ulo.

Dugang sini, kapin anum ka pulgada ang kalabaon sang pilas sang biktima.

Sa iya pag usisa, sang nagalaslas ang makusog nga hangin, nagbukas sang pwerta sang ila balay ang biktima kabangdanan nga na-igo ini.

Yara na karon ang biktima sa Western Visayas Medical Center para sa nagakaigo nga pagbulong.