Monday, December 5, 2022

42-anyos nga lalaki, gintiro kag ginlampusan sang pala ang operations manager sang security agency nga magapakudal kuntani sang propiedad sa banwa sang Sta. Barbara

- Advertisement -

ILOILO CITY — Pilason ang Operations Manager sang isa ka Security Agency nga si Rodrigo Zalazar, residente sang Brgy. Jibao-an, Pavia matapos gintiro gamit ang home-made shotgun kag ginlampusan sang pala sang isa ka mangunugma nga si Zalvemer Villan sa Brgy. Pal-agon, Sta. Barbara las 7:30 kaina sang aga.

Ini ang ginkumpirmar ni PMaj. Jose Rey Pabalan, hepe sang Sta. Barbara MPS, sa pagpakig-angut sang Radyo Bandera Iloilo.

Suno kay Pabalan, pakudalan kuntani sang mga tawo sang biktima ang porsyon sang duta sa nasambit nga barangay, apang sang nagpanaog sa salakyan si Zalazar nagpalapit si Villan kag gintiro ini sa likod kag makapila pa ka beses nga ginlampusan sang pala.

- Advertisement -

Dugang pa ni Pabalan, makapila na ka beses nga ginpa-blotter sang biktima ang suspek, kag sa sini lang man nga tuig may gintiro man ini nga security guard bangud pakudalan ang ila alagyan.

Nagtuyo pa nga magpalagyo ang suspek apang nadakpan man sang mga kapulisan sa pareho man nga barangay.

Padayon naman nga ginabulong ang biktima sa Western Visayas Sanitarium.

- Advertisement -

Sa karon, nakahunong na sa Sta. Barbara MPS si Villan kag pagapasakaan ini sang kaso nga Frustrated Murder.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles