Dakop ang 43-anyos nga lalaki sa ginpatigayon nga drug buy-bust operation sa tingob pwersa sang City Drug Enforcement Unit kag Station Drug Enforcement Team sang Iloilo City Police Station 1 sa Barangay Rizal Pala-Pala 2, Iloilo City, takna las 6:20 sini nga gab-e, Oktubre 17.
Ginkilala ang subject person nga si Jon Chester Porras, kasado kag residente sang nasambit nga lugar.
Sa impormasyon nga nakuha sang Radyo Bandera Iloilo, natigayon nga mabaklan ang subject person paagi sa Police poseur-buyer sang isa transparent plastic sachet nga ginapatihan shabu, gamit ang ₱1, 000 bilang buy-bust money.
Narekober ang 17 tanan ka sachets sang suspected shabu lakip na ang drug buy-bust item nga may kabug-aton nga tatlo ka gramo kag may standard market value nga ₱20,000 kag pila ka mga non drug items.
Yara na sa paghinakop sang ICPS 1 ang suspek kag magapangatubang sang kaso nga paglapas sa Republic Act 9165 ukon ang Comprehensive Dangerous Drugs Act of 2002.
