Nagtaas na ang numero sang nakarekord nga patay bangud sa dengue sa Western Visayas.
Narekord sang Department of Health (DOH) – Western Visayas office ang 9 ka napatay Humalin Hulyo 17 tubtob 23 kag may kabug-usan nga 46 ka persona humalin Enero.
Base sa rekord, tatlo ang new deaths sa Negros Occidental kag Antique, duha sa Iloilo kag isa sa syudad sang Iloilo.
Ginpahayag sang DOH nga nakarekord ang Western Visayas sang 7,825 ka kaso humalin Enero tubtob Hulyo 23, may pagtaas sang 513 percent kumpara sa 1,227 ka kaso nga nakarekord sa kaangay nga tion sang tinalikdan nga tuig.
Nagapanguna ang Negros Occidental sa listahan sang probinsya sa rehiyon nga may pinakadamo nga kaso sang 2,747.
Sang damlag lang, nagdeklara ang Western Visayas sang 15 sa 17 ka rehiyon sa pungsod nga nalampuwasan ang dengue epidemic.
