ILOILO – Opisyal na nga nag-umpisa ang 493 Reserve Officers’ Training Corps (ROTC) cadet officers sa ila training and practical exercises sa Camp Hernandez, Dingle, Iloilo sadtong Agosto 1.
Ini ang gin-pangunahan sang 6th Regional Community Defense Group (RCDG) paagi sa 603rd Capiz Community Defense Center’s search, rescue, and retrieval (SRR) team.
Nahibaluan nga ang mga ROTC officers ang gikan sa nagkalain-lain nga pribado kag pampubliko nga state colleges kag universities sa Western Visayas nga naga-paidalum karun sa ROTC Summer Camp Training.
Lakip sa ila training amo ang Basic Life Support, Water Search and Rescue, Rope Rescue Techniques kag Tactical Casualty Care & Evacuation.
Tinutuyo sang nasambit nga training amo ang mahanas ang mga ROTC cadets sa ila “skills and knowledge” sa Humanitarian Assistance and Disaster Relief (HADR) subongman sa Medics bilang primary responders sa ila tagsa ka mga lugar sa tion sang kalalat-an.
