ILOILO CITY— Gin-abisuhan ni Normelita Belen ang kasubong niya nga 4PS beneficiary nga naga-prenda sang ATM card kag ginagasto ang kwarta sa pagsugal ukon panahor.
Sa interview sang Radyo Bandera Iloilo kay Belen, 4Ps parent leader sang Barangay Sooc, Arevalo, ginpahayag sini nga indi buot silingon nga 4Ps member, isalig na lang ang tanan nga galastuhan sa gobyerno.
Kinahanglan sa gihapon sang mga ginikanan nga mangita sang trabaho.
Suno pa sa iya dapat deserving ang mga benepisyaryo kag makabig nga poorest of the poor.
Ginsaysay man ni Belen nga kada duha ka bulan ginarelease ang health, education kag rice subsidy.
Nahibaluan nga bangud sa 4PS nakapatapos siya sang duha ka kabataan kag subong ang iya nga apo ang benepisyaryo man sang nasambit nga programa.
Sa Barangay Sooc sa Distrito sang Arevalo, may yara tanan sang masobra 500 ka mga 5Ps beneficiary kag 14 ka mga parent leaders.