Wednesday, November 30, 2022

56-anyos nga nanay nga nagalibod sang nagkalain-lain nga kalan-on sa syudad, nakabaton sang timprano nga pamaskwa halin sa Radyo Bandera Iloilo, Serbisyong Bandera, Wow May Puso!

- Advertisement -

ILOILO CITY — Manami gid ang yuhom ni Edna Abiera, 56-anyos sang Ganzon Road, Brgy. San Pedro, Molo sang iya nakit-an nga padulong ang news team sang Radyo Bandera Iloilo.

Nagabiyahe sang tricycle ang iya bana sa Dao Tobias Fornier, Antique samtang may tatlo ini ka kabataan kun sa diin may tagsa-tagsa na ka pangabuhi.

Nahibaluan nga nagalibod sang nagkalain-lain nga kalan-on si Nanay Edna kaangay sang barbeque, banana que, ice candy kag iban pa kun sa diin iya ini gina-alsa kag gina-ginansyahan sang diyutay nga kantidad.

- Advertisement -

Masami nga ginakulang sila sa adlaw-adlaw nga galastuhon apang hugot ang pagtuo ni nanay Edna nga malampuwasan ang tanan nga kabudlayan.

Ang ila puluy-an nakahamtang  sa unhan sang isa ka suba kung sa diin nagalab-ot ang tubig sa idalom sang ila balay sa tion nga naga-ulan.

Dako gid ang pagpasalamat ni Nanay Edna bangud 1st time sini nga makabaton sang isa ka sako nga bugas, grocery items, kag hygiene kits.

- Advertisement -

Matigda nga nasambit ni nanay Edna ang mga tinaga nga “Radyo Bandera, Wow May Puso” matapos nga ginbaton ang grasya.

Si Nanay Edna ang isa lang sa mga benepisyaryo sang Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Nahibaluan nga ang ginhatag nga bulig ang halin sa ginkolekta nga fund sa ginpatigayon nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RYU-Foundation ni Dr. Ramel Uy. Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,180SubscribersSubscribe

Latest Articles