Saturday, August 20, 2022

56- anyos nga sikad driver, tuman ang kalipay matapos makabaton sang bulig halin sa Radyo Bandera Iloilo, Serbisyong Bandera, Wow May Puso!

- Advertisement -

Nagalumaw-lumaw ang mata bangud pagpasalamat ni Diego Pahitamos, 56 anyos sang Zone 4, Barangay Caingin, La Paz matapos nga isa siya sa napilian nga benepisyaryo sa Serbisyong Bandera, Para sa Masa Wow May Puso.

Nagapangabuhi nga isahanon sa iya gintukod nga balay-balay nga nagatapik pa sa isa ka pader sa sulod na sang 3 ka tuig.

Agud masuportahan ang iya kaugalingon nagabiyahe ini sang sikad halin alas 7 sa aga tubtob alas 5 sa hapon.

- Advertisement -

Suno kay Tatay Diego, maka income ini sang 100 pesos sa kada biyahe nga ginapaigo ya lang sa bilog niya nga adlaw nga galastuhon.

Kun mag-inulan, naga tulo sini ang atop sang iya balay, gani nagaplastar na lang ini sang karton sa atubang sang isa ka tyangge nga kaiping sang iya payag-payag.

Tuman gid ang kalipay ni tatay Diego sang makit-an na niya ang isa ka sako nga bugas, grocery items, kag hygiene kits.

- Advertisement -

Suno sa iya, dako na ini nga bagay sa iya pang inadlaw-adlaw nga konsumo.

Nahibaluan nga ini ang kabahin sang proceed sang ginpatigayun nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RY-Foundation ni Dr. Ramel Uy.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles