Friday, October 7, 2022

57-anyos nga paralyzed nga babayi, wala sang sudlan ang nabatyag nga kalipay sang makabaton sang grasya halin sa Radyo Bandera Iloilo, Serbisyong Bandera, Wow May Puso!

- Advertisement -

Kalipay kag pagpasalamat ang ginpabutyag ni Rose Villegas, 57-anyos kag paralisado kaupod ang iya bana nga si Armando Villegas, 59-anyos kag tatlo ka beses na nga na-stroke, sa pagpadulong sang Radyo Bandera News Team sa ila puluy-an sa Zone 2, San Juan, Molo.

May duha ka kabataan ang mag-asawa nga Villegas nga naga-edad 29 kag 32-anyos apang wala sa ila luyo.

Nahibaluan nga sa higad dalan sila nagapuyo bangud ginbaligya nila ang ila kaugalingon nga balay sa rason nga tatlo ka beses nga na stroke ang iya bana.

- Advertisement -

Nagabaligya man si Nanay Rose sang pandesal nga nasulod sa ice box agud lang nga may inug-gasto sa ila pang adlaw-adlaw nga kinahanglanon.

Nagayuhom samtang nagalumaw-lumaw ang mata sang ginbaton nila ang bugas, grocery items kag DTX Coffeemix gikan sa Radyo Bandera Iloilo kag RYU Foundation.

Si Nanay Rose kag Tatay Armando ang pila lamang sa mga benepisyaryo sang Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

- Advertisement -

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig, gani kabandera bantayan kay basi ikaw na ang masunod nga mahatagan.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles