Saturday, August 20, 2022

61-anyos nga tigulang nasapwan patay matapos nga mahulog sa bubon sa banwa sang Sta. Barbara, Iloilo

- Advertisement -

ILOILO CITY— Nasapwan na lang ang bangkay sang 61-anyos nga tigulang sa sulod sang bubon sa Brgy. San Sebastian, Sta. Barbara, Iloilo alas 5:40 kaina sang kaagahon.

Ang babayi nga ginapatihan nahulog sa bubon nga may kadalumon nga 40 ka tapak amo si Elizabeth Mendez kag residente sang nasambit nga lugar.

Sa interview sang Radyo Bandera Iloilo kay Marivic Mendez, ugangan sang biktima, ginpahayag sini nga alas 5:10 kaina sang aga sang ginapangita sang agot nga bata ang iya nga iloy bangud wala na ini sa ila nga balay.

- Advertisement -

Suno pa sa iya,  takna alas 5:40 sang nabatyagan sang manug sag-ub sa bubon nga  may nagasang-it kag indi magsaka ang timba, diri na kag nakit-an ang bangkay ni Elizabeth.

Ginapatihan nga manag-ob kun tani sang tubig ang tigulang agud nga dal-on sa sulod sang banyo.

Gilayon sila nga nagtawag sa Bureau of Fire Protection agud buligan nga makuha ang bangkay sang tigulang.

- Advertisement -

Nagapati ang pamilya nga aksidente ang natabo sa ila nga himata.

Sa subong yara pa naputos sa habol ang bangkay sang biktima kag ginahulat na lang nga kuhaon ini sang punerarya.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles