ILOILO CITY— Aga pa kaina sang nagpadulong ang Radyo Bandera Iloilo team sa balay sang 62-anyos nga trisikad driver agud nga maghatag sang gamay nga bulig sa programa sang estasyon nga Serbisyong Bandera, Wow May Puso.
Tuman ang pagsapasalamat ni Tatay Jonathan Dela Peña sang Jereos Dike sa distrito sang La Paz sa groceries kag bugas nga nabaton halin sa estasyon.
Si Tatay Jonathan ukon mas kilala nga si “Tatay boy’ ang naga-tinir sa gamay nga balay upod ang iya nga bata nga naga ubra bilang isa ka sikad driver kag duha sini ka apo.
Nahibaluan nga si Tatay Boy ang nagaubra sang una bilang isa man ka traysikad driver sa 40 na ka tuig.
Sa interview sang Radyo Bandera Iloilo kay Tatay Boy, ginpahayag sini nga pigado ang pagpagabuhi subong nga pandemya dugang pa nga ini nga nagasuprer ini sang sakit.
Suno pa sa iya, kun kaisa ginadul-ongan nalang ini siya sang iya kaingod nga balay sang sud-an agud may ipares sa kan-on.
Dako ang pagpasalamat sini sa tanan nga bulig ilabi na kay Chief Executive Officer Doc Ramel Uy.
Ang “ Serbisyong Bandera, Wow May Puso”, ang isa sa mga programa sang estasyon nga may tinutuyo nga buligan ang mga kubos nga kautoran nnga nagakinahanglan sang hamili nga bulig.
