ILOILO CITY— Yara na sa advanced state of decomposition sang makit-an sang Carles Municipal Police Station ang 63-anyos nga babaye sa Brgy. Guinticgan, Carles, Iloilo, kahapon, Mayo 1, 2022.
Sa impormasyon nga nakuha sang Radyo Bandera Iloilo ang biktima ang ginkilala kay Rebecca Ortiz Bandiez kag nasapwan ini nga nagahigda sa katre tatlo tubtob apat na ka adlaw ang nakaligad.
Narekober sa iya nga puluy-an ang isa ka unit sang Samsung touch screen cellphone nga iya gina-uyatan sa iya nga kamot.
Wala man sang importante nga kagamitan nga nadula sa sulod sang balay sang biktima.
Ginpahayag nga wala sang foul play sa kamatayon ni Bandiez.
Sa karun, nagapadayon pa ang imbestigasyon sang Carles Municipal Police Station angut sa nasambit nga aksidente.
