Napun-an sang kalipay ang tagipusuon ni Jose Cometa Jr., 64-anyos ,bulag sa asawa, nagapamasura kag may ginasupehar sang balatian bangud sa katigulangon matapos nga timprano pa ini nga makabaton sang pamaskwa halin sa Radyo Bandera Iloilo, Serbisyong Bandera, Wow May Puso kag RYU Foundation ni Doc Ramel Uy.
Si Tatay Cometa ang 17 na ka tuig na nga naga pamasura kag may tatlo ka mga kabataan kun sa diin isa sini ang may kaugalingon na nga pangabuhi.
Wala na karon sang upod si tatay sa iya nga hayub-hayub nga puluy-an nga nagatulo ang atop, guba ang dingding kag wala sang suga.
Naga pamasura ini sa plaza sang Jaro sadtung tuig 2019 agud nga makapiyan-piyan sa iya matag-adlaw nga kinahangalanon.
Nagasuprer man si tatay Gometa sang pag-ubo, pagsakit sang iya tuhod kag masami man nagasakit ang iya nga tiyan kag mga likod bangud sa katigulangon.
Lubos ang pagpasalamat sini sang nakabaton ini sang Clinica DTX Coffee Mix, isa ka sako nga bugas, grocery items, P500 nga cash kag radyo.
Si tatay Cometa ang isa lamang sa mga benepisyaryo sang Radyo Bandera Iloilo, Serbisyong Bandera, Wow May Puso kag RYU Foundation nga padayon nga nagabulig sa mga nagakinahanglan kag nagahatag sang paglaum sa mga Ilonggo.
Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig, gani kabandera bantayan kay basi ikaw na ang masunod nga mahatagan sang timprano nga pamaskwa!
