Monday, August 8, 2022

66 anyos nga isahanon nga nagkampanya, nagapasalamat sa mga nagboto sa iya sa pagka SB Member sa banwa sang Oton

- Advertisement -

Daku ang pasalamat ni Francisco Cofreros Cordova, 66 anyos , sa kapin 2, 514 nga nagboto sa iya sa posisyon nga pagka sangguniang bayan member sa banwa sang Oton.

Nakuha niya ang simpatiya sang mag netizens sa diin nakit-an nga isahanon man nga naglibot sa 37 ka mga barangay sa banwa sang Oton kag dala ang iya mga flyers kag tarpaulin.

Sa exclusive interview sang Radyo Bandera Iloilo, ginsaysay ni Cordova nga ginpaigo lang sini ang kwarta nga P11,000 sa mga campaign materials nga ginsuptan niya pa sa pagbiyahe sikad.

- Advertisement -

Sa iya pagpangampanya, gamit niya ang iya sikad apang kun malayo na ang pakadtunan nga barangay, gasakay ini jeep ukon traysikol kag maga house to house campaign.

Bilang isa ka graduate sang ISAT-U sa kurso nga automative machine, nagahandom si Cordova nga maka serbe sa tanan nga pumuluyo sa banwa kag makabulig man sa iya nga pagpangabuhi.

Isa sa iya plataporma ang pagpasemento sang dalan kag pagkay-o sa drainage system sa ila barangay kay madasig ini mabahaan.

- Advertisement -

Mahibaluan nga separado na si Cordova sa iya pamilya kag kaupod lang sini sa iya balay ang 67 anyos nga utod sini nga si Dominggo kag hinablos nga si Margie Cordova.

Napaslawan man si Cordova sa iya pagkakandidatura apang nakuha niya man ang tagipusuon sang mga Octonganon.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles