ILOILO CITY— Padayon sa gihapon nga naga-abot ang mga bulig sa mga nasunugan sa Mandurriao elementary school.
Mahibaloan nga 93 tanan nga pamilya ang nasunogan lakip na diri ang partially damaged nga mga balay.
68 ka mga pamilya ang yara subong sa evacuation area samtang ang mga iban ang naga-tinir sa ila mga kaparyentehan.
Sa interview sang Radyo Bandera Iloilo kay Juna Alidron, CSWDO, iya ginpahayag nga bastante ang bulig para sa mga evacuees.
Dugang pa sang natungdan madamo sang relief goods kaangay sang mga delata , bugas kag mga panapton ang ginpanghatag sang mga pumuluyo para sa naapektuhan sang sunog.
Sun okay Alidron, may mga pumuluyo man nga wala nadala sa sunog ang ila balay kag nagatinir sa evacuation center bangud sa trauma nga ila ginapangatubang.
Magahatag man ang Iloilo City Government sang P10-mil nga financial assistance para sa mga totally damaged ang balay samtang P7-mil sa partially damaged.
Sa karon padayon sa gihapon ang pagpanagtag sang grupo sang bulig para sa mga evacuues.
