Monday, December 5, 2022

7 ka persona patay, 2 na-missing bangud sa Bagyo Paeng sa Western Visayas- RDRRMC 6

- Advertisement -

Kumpirmado ang 7 ka persona nga napatay bangud sa bagyo paeng sa Western Visayas sa diin isa ang narekord sa probinsya sang Capiz, isa gikan sa probinsya sang Iloilo kag lima naman ang gikan sa probinsya sang Aklan.

Na-missing ang duha ka persona sa diin ang isa ang narekord gikan sa Passi City kag isa naman ang gikan sa Libacao, Aklan.

Naapektuhan ang kapin 145,743 pamilya ukon 558,849 ka persona gikan sa 881 ka mga kabarangayan sa anom ka probinsya kag duha ka syudad sa rehiyon 6.

- Advertisement -

Bukas naman ang 553 ka mga evacuation centers sa Western Visayas.

May kabug-usan nga 14,676 ka pamilya ukon 55,331 ka persona ang yara sa sulod sang evacuation centers samtang 26,293 ka pamilya ukon 113,795 ka persona naman ang nagapuyo sa sagwa sang evacuation centers ukon sa ila iban nga himata.

Base sa rekord sang PDRRMO, naapektuhan ang 173 ka mga kabarangayan sa Aklan, Antique, Capiz kag Negros.

- Advertisement -

Narekord naman sang landslides walo ka insidente sang landslides sa Aklan, Antique kag Negros Occidental.

Kapin ₱33.5 million naman ang halit sa kabug-usan nga 1.6 metric tons sang pananom sa rehiyon.

Gindeklara naman nga ‘state of calamity’ ang Tapaz, Capiz kag probinsya sang Aklan.

- Advertisement -

Nahalitan ang 355 ka mga panimalay sa diin 328 diri ang partially damaged kag 27 naman ang totally damaged.

Samtang, nagabalor ₱10.46 million nga family food packs ang ginpanagtag sa probinsya sang Aklan, Antique, Capiz, Iloilo kag Negros Occidental.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles