70% nga target population, nabakunahan sa probinsya sang Iloilo suno kay IPHO Head Dr. Quiñon

Nagdangat na sa 1,376,719 ka mga indibidwal ang nabakunahan sang 1st dose kag 1,291,217 ka mga indibidwal naman sa second dose batok sa COVID-19.

Samtang, 286,488 ka mga indibidwal ang nakabatun na sang first booster shot kag 24,611 naman nakapabakuna na sang second booster doses.

Suno kay IPHO Head, Dr. Maria Socorro Colmenares-Quiñon, 70% sa population sa probinsya nga yara sa 1,461,756 ka mga indibidwal ang bakunado na.

Dugang pa sang IPHO, ginpa-alerto ang tanan nga mga directors sang Center for Health Development (CHD), ang direktiba sa pagpatuman sang istrikto nga implementasyon sang border control protocols sa tanan nga mga ports lakip na sa Iloilo International Airport.