Tuesday, January 31, 2023

71-anyos nga kakanin vendor, napun-an sang kalipay ang ginamingaw nga tagipusuon matapos makabaton sang timprano nga pamaskwa halin sa Radyo Bandera Iloilo, Serbisyong Bandera, Wow May Puso!

- Advertisement -

ILOILO CITY — Napun-an sang kalipay ang ginamingaw nga tagipusuon ni Nanay Florita Jenetillo, 71-anyos kag isa ka balo sang Zone 1, Brgy. Ticud, La Paz, Iloilo City, matapos timprano pa nakabaton sang pamaskwa halin sa Radyo Bandera Iloilo, Serbisyong Bandera, Wow May Puso kag RYU Foundation ni Doc Ramel Uy.

Si nanay Florita ang 40 ka tuig na nga balo kag may anum ka mga kabataan kun sa diin apat sa mga ini ang may kaugalingon na nga pangabuhi.

Wala na karon sang upod si nanay sa iya nga gamay nga puluy-an nga nagatulo ang atop kag narusdak na ang dingding.

- Advertisement -

Nagabaligya ini sang kakanin agud nga makapiyan-piyan sa iya matag-adlaw nga kinahangalanon.

Naga-agunto man si nanay Florita kada magbatyag ini sang madugay na niya nga ginasuprer nga pagsakit sang iya balikawang kag masami man nagasakit ang iya nga tiyan.

Gani nga tuman nalang ang iya pagpasalamat sang nakabaton ini sang Clinica DTX Coffee Mix, isa ka sako nga bugas, grocery items, kag P500 nga cash.

- Advertisement -

Si nanay Florita ang isa lamang sa mga benepisyaryo sang Radyo Bandera Iloilo, Serbisyong Bandera, Wow May Puso kag RYU Foundation nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig, gani kabandera bantayan kay basi ikaw na ang masunod nga mahatagan sang timprano nga pamaskwa.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles